Dövlət İmtahan Mərkəzi (DİM) tərəfindən keçirilən buraxılış imtahanları 2 aprel tarixində yekunlaşdı. Hazırda ali məktəblərə hazırlaşanların hamısı həyəcanla qəbul imtahanlarının 1-ci mərhələsi hesab edilən buraxılış imtahanlarının nəticələrini gözləyir.
Abituriyentləri gözləyən növbəti imtahanlar isə ali təhsil müəssisələrinə qəbul imtahanlarıdır. Məlum olduğu kimi, qəbul imtahanı 2 cəhddən ibarət olacaq.
Sosial şəbəkələrdə ixtisas qrupları üzrə keçiriləcək imtahanlara sənəd qəbulunun nə zaman başlayacağına dair xeyli sual ünvanlanır.
DİM-dən alınan məlumata əsasən, qruplar üzrə sənəd qəbulu bu tarixlərdə keçiriləcək:
Bütün ixtisas qrupları üzrə qəbul imtahanının II mərhələsinin 1-ci cəhdində iştirak etmək istəyənlərin qeydiyyatı: 15 aprel – 5 may
Bütün ixtisas qrupları üzrə qəbul imtahanının II mərhələsinin 2-ci cəhdində iştirak etmək istəyənlərin qeydiyyatı: 5-25 iyun
Abituriyentlər hər iki cəhddə iştirak etmək üçün göstərilən tarixlərdə qeydiyyatdan keçməlidir.
Qeyd edək ki, ixtisas qrupları üzrə qəbul imtahanları aşağıdakı tarixlərdə keçirləcək.
– III ixtisas qrupu üzrə (1-ci cəhd) 20 may
– III ixtisas qrupu üzrə (2-ci cəhd) 8 iyul
– II ixtisas qrupu üzrə (1-ci cəhd) 21 may
– II ixtisas qrupu üzrə (2-ci cəhd) 9 iyul
– IV ixtisas qrupu üzrə (1-ci cəhd) 3 iyun
– IV ixtisas qrupu üzrə (2-ci cəhd) 23 iyul
– I ixtisas qrupu üzrə (1-ci cəhd) 4 iyun
– I ixtisas qrupu üzrə (2-ci cəhd) 22 iyul
